५ फागुन २०८१, पाँचथर। फिदिम–६ सिवामा जारी अर्थवाज आमन्त्रित पालिकास्तरीय लिग भलिबल प्रतियोगिताको उपाधिका लागि झापाको दमक नगरपालिका र संखुवासभाको पाँचखपन नगरपालिका भिंड्ने भएका छन्।
सोमबार सम्पन्न प्रतियोगिताको पहिलो सेमीफाइनल खेलमा बेलबारी नगरपालिका मोरङलाई २५–२२, २५–१९ र २५–१८ को सोझो सेटमा पराजीत गर्दै दमक नगरपालिका झापाले फाइनलमा स्थान सुरक्षित गरेको हो। सोमबारै सम्पन्न प्रतियोगिताको दोस्रो तथाअन्तिम सेमीफाइनल खेलमा सिदिङवा गाउँपालिका ताप्लेजुङलाई २५–१३, २५–१७ र २५–१४ को सोझो सेटमा पाखा लगाउदै पाँचखपन नगरपालिका संखुवासभाले उपाधि भिंडन्तका लागि दमकसँगको भेट पक्का गरेको हो।
प्रतियोगिताको फाइनल खेल फागुन ७ गते हुने आयोजक सिवा कला, साहित्य, साँस्कृतिक तथा खेलकुद आयोजक समितिका अध्यक्षएवम् फिदिम–६ का वडा अध्यक्ष विपन तुम्रोकले बताए।
प्रतियोगिताको विजेताले नगद १ लाख १ हजार १११ रुपैंयाँ, ट्रफि, मेडल र प्रमाणपत्र त्यस्तै उपविजेताले नगद ७० हजार १११ रुपैंयाँ, ट्रफि, मेडल र प्रमाणपत्र प्राप्त गर्नेछ।
