२१ कार्तिक, २०८१ पाँचथर | फिदिम ३ मा रहेको क्षतिग्रस्त लालिखर्क स्वास्थ्य चौकिको स्थानिय नागरिकको स्वास्थ्य समस्यालाई मध्यनजर गर्दै तत्काल नयाँ भवन निर्माण गरिने भएको छ ।
मंगलवार फिदिम नगरपालिकाका प्रमुख मित्रप्रसाद काफ्ले, फिदिम-३ का वडाध्यक्ष नरेन्द्र गुरुङ र प्राविधिक टोलिले स्थलगत अवलोकन गर्दै नयाँ भवन तत्काल बनाउन आवश्यक देखिएको बताएका हुन । स्थानियले आवश्यक जग्गा उपलब्ध गराए तत्काल नयाँ भवन निर्माणको लागि आवश्यक प्रकृया अगाडी बढाउने फिदिम नगरपालिकाका प्रमुख मित्रप्रसाद काफ्लेले बताए | अहिले स्थानियको घरमा अस्थाई रुपमा स्वास्थ्य चौकि सन्चालन भएपनि आवश्यक सुबिधा नागरिकले पाउन नसक्ने भएको हुदा जग्गा उपलब्ध हुने बितिकै भवन निर्माणको काम अघि बड्ने काफ्लेले बताए ।
स्थानिय जनताहरुसँग जग्गाको कुरा भैरहेकाले स्वास्थ्य चौकिको भवन निर्माणका लागि छिट्टै जग्गा उपलब्ध हुने फिदिम-३ का वडाध्यक्ष नरेन्द्र गुरुङ्ले बताए । फिदिम -३ लालिखर्क बाट सेवा दिदै आएको लालिखर्क स्वास्थ्य चौकीको भवन गएको असोज १२ गते अविरल वर्षासँगै आएको पहिरोले पुर्ण रुपमा क्षति पुर्याएको थियो ।
