इवारा जबेगु लिम्बू
२२ असोज २०८१, पाँचथर। स्व. थामोथ सिं तुम्बापोको ८४ औँ जन्म जयन्ती मंगलबार मनाइएको छ ।
फिदिम नगरपालिका वडा नं. ५ चोकमागु, तिनघरेमा जन्मेका तुम्बापोको ८४ औँ जन्म जयन्ती मनाइएको हो ।
स्व. तुम्बापोका छोरानातीले आयोजना गरेको स्मृतिसभामा उनको जीवनगाथादेखि समाजमा पुर्याएको योगदानको चर्चा गरिएको थियो।
कार्यक्रममा प्रमुख अथिति, फिदिम नगरपालिका ५ नं.वडाका वडाअध्यक्ष भरत तुम्बापोले थामोथ सिं सत्य र आदर्शको बाटोमा हिंडेका पुर्खा रहेकाले उनको बाटोलाई आजको पुस्ताले अनुसरण गर्नुपर्ने विचार व्यक्त गरे ।
कार्यक्रममा बोल्दै लेखक तथा अन्वेषक रमेश तुम्बापोले स्व. थामोथ सिं तुम्बापो महागुरु फाल्गुनन्दको अनुयायी भएका स्मरण गरे ।महागुरु फाल्गुनन्द लिङदेनको दर्शन अनुसार थामोथ सिं तुम्बापो सत्य र समाज रूपान्तरणको बाटोमा हिंडेको तुम्बापोले बताए ।
तुम्बापो समाज सेवा संघका केन्द्रीय महासचिव सुवास तुम्बापोले आफ्ना पूर्वजहरुलाई स्मरण गर्नु सुन्दर कार्य भएको उल्लेख गर्दैथामोथ सिं का योगदानहरुको चर्चा गरेका थिए ।
कार्यक्रमा अन्य अथितिहरु शक्रराज तुम्बापो, रणसर तुम्बापो लगायतले पनि थामोथ सिं को योगदानको चर्चा गरेका थिए । कार्यक्रमलाई याक्थुङ (लिम्बू) भाषाबाट सञ्चालन गरिएको थियो । कार्यक्रम बृजहाङ तुम्बापोको अध्यक्षतामा सम्पन्न भएको कार्यक्रम सञ्चालक सन्तोष तुम्बापोले बताए ।