९ साउन २०८०, पाँचथर । फिदिम–२, ओदिनमा मंगलबार बिहान पाउने २ बजे भएको मोटरसाइकल दुर्घटनामा परी एकजनाको मृत्यू भएको छ ।
मृत्यु हुनेमा झापाको विर्तामोड नगरपालिका–८, निवासी २४ वर्षीय युवराज अधिकारी रहेका छन् । अधिकारी सवार प्रदेश ०१–०३–००१ब ००१९ नम्बरको मोटरसाइकल फिदिम–२, ओदिनमा दुर्घटनामा परेको थियो । मृतक अधिकारी प्रदेश कोष तथा लेखा नियन्त्रणकार्यालय पाँचथरमा कार्यरत कर्मचारी हुन् ।
जिल्ला प्रहरी कार्यालय पाँचथरका अनुसार उनी सवार मोटरसाइकल सडकमै भेटिएको थियो भने उनको शव १० मिटर तल भेटिएकोथियो । साम्दिनदेखि फिदिमतर्फ आउने क्रममा सो दुर्घटना भएको हो । मोटरसाइकल अनियन्त्रित भइ दुर्घट्ना भएको हुनसक्ने प्रहरीकोअनुमान छ ।
