२६ कार्तिक, २०८१ पाँचथर | पाँचथर जिल्लाका सातजना बुद्धिचाल खेलाडीलाई सोमबार फिदिममा सम्मान गरिएको छ ।
हालै तेह्रथुम जिल्लामा सम्पन्न भएको सातौँ खुल्ला रेटिङ दिपावली बुद्धिचाल खेल प्रतियोगितामा पाँचथरबाट सहभागि भएका मध्ये सात जनाले प्रतियोगिबाट पुरस्कार बिजेता भएकाहरुलाई सम्मान गरिएको हो । जिल्ला बाहिर प्रतियोगितामा भाग लिएर एकै पटक सातओटा पुरस्कार जित्न सफल भएका बुद्धिचाल खेलाडीहरुलाई पाँचथर बुद्धिचाल संघले सम्मान गरेको हो । फिदिम नगर प्रमुख मित्रप्रसाद काफ्लेले र जिल्ला खेलकुद समिति अध्यक्ष सन्तोस मोक्तानले प्रशंसा पत्र वितरण गर्नु भएको थियो ।
तेह्रथुमको आठराइ गाउँपालिकामा आयोजना भएको खुल्ला बुद्धिचाल खेल प्रतियोगितामा देशका ७० जनाभन्दा बढि खेलाडी सहभागि भएका थिए । पाँचथरबाट खगेन्द्र कुमार आङदेम्बे तेस्रो, गगन लावती पाचौ, जयबिक्रम चेम्जोङ सातौ, जय प्रकाश नेम्बाङ आठौ र महेन्द्र कुमार सम्बाहाम्फे दसौ भएका थिए । त्यसैगरी गोविन्द्र फुयेल अनरेटेड प्रथम र सुर्य लावती अनरेटेड दोस्रो भएको पाँचथर जिल्ला बुद्धिचाल संघ अध्यक्ष बिजयबोध लावतीले बताउनु भयो ।
