८ मंसिर २०८१, विराटनगर। पूर्वमा पहिलो पटक ‘ग्लो रियस’ले सौन्दर्य सामाग्री सार्वजनिक गरेको छ। शुक्रबार विराटनरमा एक कार्यक्रमको आयोजना गरी ग्लो रियसले सौन्दर्य सामाग्री लन्च गरेको हो।
छालाको हेरचाहको लागि भिटामिन – सि, सिरम, फेसवास, सन्सक्रिम, मस्चराइजर, नाइट क्रिम लगायतको सामाग्री बजारमा ल्याएको छ। कपालको हेरचाहको लागि स्याम्पु र कन्डिसनर रहेको ग्लो रियस कम्पिनीकी प्रोग्राम संयोजक रसिला बुढाथोकीले जानकारी दिइन्।
कम्पनिले उत्पादन गरेको सामाग्री बोसो रहित र बनस्पतिबाट बनाइएको कारणले केमिकल रहित रहेको उनको भनाई छ। त्यसो त यो कम्पनिबाट उत्पादन भएको सामाग्री पुरुषले पनि अनलाई मार्फत माग गर्ने गरेको र महिला पुरुषको छालामा प्रयोग गर्न मिल्ने उनको दाबि छ।
तबसुम व्युटि पार्लर ईन्टिच्युटकी प्रोप्राइटर एवंम् ग्लो रियसकी कोशी प्रदेश डिलर सयदा तबसुमले आफूले पनि पहिलो पटक प्रयोग गरेको र यो कम्पनिबाट उत्पादन गरिएको सामाग्रीले राम्रो प्रतिक्रिया पाएकाले विराटनगरबाट लन्च गरिएको बताउछिन्।
सहाभागिको तर्फबाट नाबुनकी विराटनगर अध्यक्ष भलि सुब्बाले सौन्दर्यकर्मी र प्रोडक्टको सम्बन्ध नङ र मासुको जस्तै भएको बताइन्। प्रोडक्ट राम्रो भए आफूहरुले पनि विक्री वितरणलाई एउटा रफ्तारमा लान सकिने उनको भनाई छ।
