१४ मंसिर, २०८१ पाँचथर | स्वतन्त्र विद्यार्थी युनियन पाँचथर बहुमुखि क्याम्पसले आगामि मंसिर १७ गते बृहत साहित्यिक तथा साँस्कृतिक कार्यक्रमको आयोजना गर्ने भएको छ ।
साहित्यिक कार्यक्रम अन्तर्गत पाँचथर जिल्ला अन्तर क्याम्पस स्तरिय कविता प्रतियोगिताको आयोजना गरिएको स्ववियु पाँचथर क्याम्पस अध्यक्ष मुना नेपालिले बताइन । नेपालिका अनुसार प्रतियोगिता अन्तर्गत क्रमश प्रथम पुरस्कार नगद दश हजार, दोश्रो पुरस्कार सात हजार, तेश्रो पुरस्कार पाँच हजार र सान्त्वना पुरस्कार तीन हजार रुपैया सहित प्रमाणपत्र प्राप्त गर्नेछन । साँस्कृतिक कार्यक्रम अन्तर्गत नृत्य तथा गायन प्रस्तुतिहरु रहनेछ ।
पाँचथर बहुमुखि क्याम्पसको प्राङगणमा सम्पन्न हुने कार्यक्रममा पाँचथरका अग्रज साहित्यकारहरुले पनि कविता वाचन गर्ने आयोजक समितिले जनाएको छ । स्ववियु पाँचथर बहुमुखि क्याम्पसले स्थापनाकालदेखि नै विद्यार्थीहरुको हकहित र बौद्विक बिकासका लागि विभिन्न कार्यक्रमहरुको आयोजना गर्दै आएको छ ।
