राम प्रसाद बाँस्कोटा
१५ फागुन २०८१, पाँचथर। एकिकृत अखिल नेपाल शिक्षक संगठन जिल्ला तथा नगर परिषद फिदिममा बुधबार सम्पन्न भएको छ। एकिकृत अखिल नेपाल शिक्षक संगठन १ नं.प्रदेश कमिटीका उपमहासचिव कमल प्रसाद बाँस्कोटाको प्रमूख आतिथ्यमा जिल्ला समन्वय समितीको सभाहलमा प्रथम जिल्ला तथा फिदिम नगर परिषद सम्पन्न भएको हो।
सो अवसरमा एकिकृत अखिल नेपाल शिक्षक संगठनका जिल्ला अध्यक्ष छविलाल न्यौपानेले पेश गरेको सांगठानिक प्रतिवेदन र कोषाध्यक्ष खेमनाथ खनालले पेश गरेको आर्थिक प्रतिवेदनलाई ब्यापक छलफल गरी पास गरिएको थियो। त्यसैगरी फिदिम नगर समितिका अध्यक्ष रामप्रसाद बाँस्कोटाले पेश गरेको सांगठानिक प्रतिवेदनलाई पनि आवश्यक संशोधन सहित पास गरिएको थियो।
नगरपालिकामा खाली रहेको सदस्य पदमा फिदिम माबिका शिक्षक लक्ष्मी दाहाल, नवीन, सगरमाथा आवि फिदिम–८ का प्रधानाध्यापक रत्न कुमार गुरुङ र जनकल्याण आविका शिक्षक बिमला राइलाई मनोनयन गरिएको छ। त्यसै गरी परिषदले नेपाल सरकार र नेपाल शिक्षक महासंघ, नेपाल राहत शिक्षक समिती, पेन्सन बञ्चित शिक्षक समूह, नेपाल विद्यालय कर्मचारी समूह, वालविकास शिक्षक समूह, अनुदानमा कार्यरत शिक्षकहरुका माग र मुद्धालाई समेटेर शिक्षा ऐन यहीं हिउँदे अधिवेशनबाट ल्याउनु पर्ने मागलाई कडाईकासाथ लागू गर्नुपर्ने र यी माग पूरा गराउनका लागि नेपाल शिक्षक महासंघको अगुवाइमा सुरु भएको आन्दोलनलाई तार्किक निष्कर्समा पुरÞ्याउन संगठनले पूर्ण रूपमा साथ र सहयोग गर्न निर्णय समेत गरेको छ।
यसै गरी जिल्ला तथा नगर परिषदले पाँचथरका बाँकि रहेका ७ वटा पालिकाहरुमा पनि यहीं फागुन मसान्तसम्म गाउँपालिका परिषद सम्पन्न गर्न र चैत्र २३ गते हुने १ नं.प्रदेशको प्रवेश परिषदमा सशक्त रूपमा सहभागी हुने निर्णाय गरेको छ भने सदस्यता नविकरण कार्यलाई तिब्रताका साथ निरन्तर रूपमा अघि बढाउन सबै पालिका कमिटीहरु सक्रिय रूपमा लाग्ने समेत निर्णय गरिएको छ।
प्रधानमन्त्री केपी ओलीले शिक्षकको माग मुद्दाप्रति कटाक्ष गर्दै दिएको अभिव्यक्तिप्रति घोर आपक्ति जनाउँदै खेद प्रस्ताव समेत परित गरेको छ। सो परिषद भेलामा प्रमुख अतिथि उपमहासचिव कमल प्रसाद बाँस्कोटा, नेकपा माओवादी केन्द्रका प्रवेश कमिटी सदस्य एवम् जिल्ला सह–इन्चार्ज दिनेश लावती, जिल्ला संयोजक विशाल रसाइली, प्रवेश कमिटीका सदस्य एवम् फिदिम नगरपालिकाका उपप्रमुख राधाकृष्ण न्यौपाने, प्रदेश कमिटी सचिवालय सदस्य टीका प्रकाश नेम्बाङ, प्रवेश कमिटी सदस्य देवी थापा मगर, प्रदेश कमिटी सदस्य एवम् फालेलुङ गाउँपालिका उपाध्यक्ष महेन्द्र जबेगु फुङ्निमा, नेपाल शिक्षक महासंघका सह अध्यक्ष लक्ष्मण बाँस्कोटा, अखिल नेपाल लेखक संघका जिल्ला अध्यक्ष मचिन्द्र लोवा लगायतका बक्ताहरुले संगठनको विस्तारलाई तिव्रता दिंदै शिक्षक, कर्मचारी, वालविकास शिक्षकहरुका माग मुद्दाहरु लाई यो सरकारले गलहत्याए एकलौटी रूपमा जवरजस्ती अध्यादेश ल्याउने अनि संसदबाट शिक्षकहरुका विगतमा भएका सम्झौतालाई वेवास्ता गरी ऐन ल्याउन खोज्नु लोकतन्त्रको उपहास गर्ने र निरंकुश तरिकाले अगाडी बढ्न खोजेकोमा त्यसको घोर विरोध गर्दै आफ्ना माग पूरा गर्न सक्रिय रूपमा लाग्न आग्रह गर्दै शिक्षक कर्मचारीहरुको आन्दोलन प्रति एक्यवद्धता रहेको कुरामा जोड दिएका थिए।
जिल्ला तथा फिदिम नगर परिषद भेलामा फाल्गुन्द गाउँ कमिटी अध्यक्ष खड्क बहादुर नेम्बाङ, फालेलुङ गाउँ कमिटीका अध्यक्ष तेज बहादुर साउदेन, तुम्बेवा गाउँपालिका कमिटी अध्यक्ष योगेन्द्रराज खत्री, हिलिहाङ गाउँ कमिटी अध्यक्ष हेमराज सापकोटा, मिक्लाजुङ गाउँ कमिटी सदस्य तेज बहादुर लावती लगायतका पालिका अध्यक्ष एवम् प्रतिनिधीहरुले संगठनको आ–आफ्नो पालिकाको प्रतिवेदन पेश गर्नु भएको थियो।
एकिकृत अखिल नेपाल शिक्षक संगठनका जिल्ला उपाध्यक्ष नरेन्द्र केरुङले स्वागत मन्तव्य राख्नुभएको सो कार्यक्रमको उद्घाटन प्रमूख अतिथि उपमहासचिव कमल प्रसाद बाँस्कोटाले गर्नुभएको थियो भने कार्यक्रममा पार्टीका १ नं.प्रवेश कमिटी सदस्य बिरेन्द्र बाँस्कोटा, एकिकृत अखिल नेपाल शिक्षक संगठनका १ नं.प्रदेश कमिटी सदस्य ग्यनाथ बाँस्कोटा समेत विशेष अतिथिको रूपमा उपस्थित हुनुभएको थियो।
सो परिषद जिल्ला तथा फिदिम नगर परिषदमा संगठनका पदाधिकारी एवं सदस्यहरु, संगठनको तर्फबाट शिक्षक महासंघमा प्रतिनिधीत्व गर्ने शिक्षक एवम् विद्यालय कर्मचारी साथै बाल विकासका शिक्षक तथा संगठनका साधारण सदस्यहरुको उपस्थिति रहेको थियो। संगठन विस्तार गर्ने क्रम जारी रहेको र जिल्लामा ३५० भन्दा बढी संगठनमा आवद्ध रहेकोमा हाल सम्म १ सय ७१ जना को सदस्यता नविकरण भइ सकेको संगठनका जिल्ला कोषाध्यक्ष खेमनाथ खनालले जानकारी दिनु भएको छ।
