काठमाडौ । लिम्बू कथानक चलचित्र ‘सेमिफुङ’को टिजर सार्वजनिक भएको छ । शुक्रबार याक्थुङ फिल्म्सद्वारा सार्वजनिक गरिएको हो । बहुप्रतिक्षित चलचित्र सेमिफुङका निर्माताहरु सागर केरुङ र शेरबहादुर पतङ्वा रहेका छन् भने कथा/पटकथा/संवाद राज थापा काउचाले गरेका छन् ।
इलाम, झापा लगायत विभिन्न ऐतिहासिक ठाउँहरुमा छायांकन गरिएको चलचित्रको सम्पादन अनिल महर्जनले गरेका छन् भने साङ्सेन पन्धाक र ऐत खजुमको शब्द डिल्ली फोम्बोको संगीत, निरन्ता नेम्बाङ, इन्दीरा नेम्बाङ, देवेन चेम्जोङ, उदय बेघाको स्वर रहेको छ ।
बिक्रम डिसिको छायांकन र अशोक कुमार राइको ब्याकराउन्ड म्युजिक रहेको चलचित्र सेमिफुङमा बबिन आङ्देम्बे, चन्दा थेगिम, सतिका सुब्बा, चन्द्रप्रसाद बेघा, बिनोद पोमु, संगीता लावती, उदय कुरुम्बाङ, बिजय संयक लगायतले अभिनय गरेका छन् ।
लिम्बु संस्कार र प्रेमबारे निर्मित चलचित्र सेमिफुङ आगामी जेठ १ गतेदेखि प्रदर्शनमा ल्याइने निर्माण पक्षले जनाएको छ ।
भिडियो हेर्नुहोस :
https://www.youtube.com/watch?v=hdNr4NfZJ9Q
