इवारा जबेगु लिम्बू
१३ कार्तिक २०८१, पाँचथर। फिदिम नगरपालिका–९ लुम्फाबुङमा श्रेया लावती स्मृति मिनी म्याराथन २०८१ हुने भएको छ।
पाँचथर एथलेटिक्स संघको आयोजनामा खुल्ला पुरुष तथा महिला मिनि म्याराथन प्रतियोगिता हुने प्रचारप्रसार संयोजक पूर्णहाङ रेन्जो लिम्बूले बताए।
प्रतियोगिता कार्तिक १५ गते बिहान हुने छ। पुरुषतर्फ ८ किलोमिटर र महिलातर्फ ५ किलोमिटर म्याराथन हुने लिम्बूले बताए। प्रतियोगितामा पुरुषतर्फको प्रथमले नगद रु.८ हजार, मेडल र प्रमाणपत्र प्राप्त गर्दा द्वितीयले नगद रु.५ हजार, मेडल र प्रमाणपत्र प्राप्त गर्नेछ।
त्यस्तै महिलातर्फको म्याराथन विजेताले नगद रु.८ मेडल र प्रमाणपत्र प्राप्त गर्दा द्वितीयले नगद रु.५ हजार, मेडल र प्रमाणपत्र प्राप्त गर्नेछ।
प्रतियोगिताका सहभातगि सम्पूर्ण धावक, धाविकाहरुलाई प्रमाणपत्र प्रदान गरिने आयोजकले जनाएको छ।
