इवारा जबेगु लिम्बू
१४ मंसिर २०८०, पाँचथर। याङवरक गाउँपालिका–१ च्याङ्थापुमा केशरसिंह–मनु राई स्मृति रनिङ कप खुल्ला पुरुष तथा महिला नकआउट फुटबल प्रतियोगिता साँस्कृति कार्यक्रम हुने भएको छ।
आउँदो पुष ३ गतेदेखि च्याङथापु बजारमा सुरु हुने प्रतियोगिताको फाइनल पुष ११ गते हुने आयोजक स्वर्गिक मार्ग संघ नेपाल, याङवरक–१ च्याङथापुले जनाएको छ। पुरुष फुटबलतर्फको बिजेताले १ लाख ७५ हजार रुपैंयाँ नगद, ८२ हजार रुपैंयाँ बराबरको ट्रफि, मेडल र प्रमाणपत्र प्राप्त गर्नेछ। उपबिजेताले १ लाख रुपैंयाँ नगद, ट्रफि, मेडल र प्रमाणपत्र प्राप्त गर्नेछ।
त्यस्तै महिलातर्फको बिजेताहुने टिमले १ लाख रुपैंयाँ नगद, ट्रफि, मेडल र प्रमाणपत्र प्राप्त गर्नेछ भने उपबिजेता हुने टिमले ५० हजार रुपैंयाँ नगद, ट्रफि, मेडल र प्रमाणपत्र पाउने आयोजकले जनाएको छ।
केशरसिंह र मनु राईको स्मृति रनिङ कप उहाँका छेरा–बुहारी र छोरिहरुले प्रायोजन गरेको आयोजकले जनाएको छ।
