१८ मंसिर २०८०, पाँचथर। फिदिममा जारी प्रथम वाइ वाइ अन्तराष्ट्रिय आमन्त्रण किरात गोल्डकप अन्तर्गत सोमबार सम्पन्न खेलमापाहुना टोली दार्जिलिङलाई ६–३ गोलअन्तरले पाखा लगाउदै मोरङको डाँगिहाट फुटवल क्लवले सेमीफाइन यात्रा तय गरेको छ ।
फिदिम खेदमैदानमा भएको खेलमा मोरङलाई जीत दिलाउन अभिषेक लिम्बू र सुजन धिमालले २–२ त्यस्तै उमेश राई र अरुण लिम्बूले१–१ गोल गरे । दार्जिलिङ युनाईटेडका तर्फबाट रोहित थापा, आशिष राई र गणेश लिम्बूले गोल फर्काएका थिए । खेलको म्यान अफ्दि म्याज मोरङका अभिषेक लिम्बू बने । उनले नगद पाँच हजार रुपैंयाँ प्राप्त गरे ।
पहिलो हाफमा लय गुमाएको दार्जिलिङले दोस्रो हाफमा खेलमा फर्किने प्रयास गर्दै तीन गोल गरे पनि जीनका लागि पर्याप्त भएन ।प्रतियोगिताको अन्तिम क्वाटरफाइन खेल मंगलबार हुनेछ । दिउँसो २ः३० बजेदेखि हुने खेलमा ताप्लेजुङको कर्णसिं सोनाम स्मृतिक्लवले ए डिविजन हिमालयन शेर्पा क्लवको सामना गर्नेछ ।
प्रतियोगिताको विजेता टोलीले नगद ४ लाख ४ हजार ४४४ रुपैंयाँ र उपविजेता टोलीले नगद २ लाख २ हजार २२२ रुपैंयाँ प्राप्त गर्नेछन् ।प्रतियोगिताको फाइन खेल मंसिर २३ गते हुने आयोजक पाँचथर फुटवल क्लवका सचिव राजु राईले जानकारी दिए ।