२१ मंसिर २०८०, पाँचथर। झापाको बिर्तामोड युनाइटेड क्लव पाँचथर सदरमुकाम फिदिममा जारी प्रथम वाइ वाइ अन्तराष्ट्रिय आमन्त्रणकिरात गोल्डकपको फाइनल प्रवेश गरेको छ ।
बिहीबार भएको प्रतियोगिताको अन्तिम सेमीफाइनल खेलमा ताप्लेजुङको कर्णसिं सोनाम स्मृति क्लवलाई २–१ ले स्तब्ध बनाउदैबिर्तामोड उपाधी नजिक पुगेको हो । अब बिर्तामोडले उपाधीका लागि मोरङको डाँगीहाट फुटवल क्लव (डीएफसी) सँग खेल्नुपर्नेछ ।
प्रतिश्पर्धात्मक खेलको आठौं मिनेटमा दिपेश लिम्बूको गोलसँगै ताप्लेजुङले अग्रता लिए पनि ३१ औं मिनेटमा ताप्लेजुङका डिफेन्डरलेडि–एरियाभित्र ह्याण्ड गरेपछि पाएको पेनाल्टिलाई सदुपयोग गर्दै बिर्तामोड खेलमा फर्किएको थियो । पेनाल्टिमा रोमन भुजेलले सहजैगोल गरे ।
पहिलो हाफकै इन्जुरी समयमा बिर्तामोडका प्रदीप बुढाथोकीले गोल गर्दै टिमलाई २–१ को अग्रता दिलाए । दोस्रो हाफमा दुबै टोलीलेकेहि राम्रा अवशरहरु सिर्जना गरे पनि गोल गर्न सकेनन् । अन्ततः ताप्लेजुङले बिर्तामोडलाई २–१ को नतिजा सुम्पिनुपर्यो। खेलकोअन्त्यतिर पानी पर्दा दुबैतर्फका खेलाडीले खुलेर खेल्न सकेनन् ।
खेलको म्यान अफ् दि म्याच झापाका प्रदीप बुढाथोकी बने । उनले नगद पाँच हजार रुपैंयाँ प्राप्त गरे ।
प्रतियोगिताको फाइनल खेल मंसिर २३ गते हुने आयोजक पाँचथर फुटवल क्लवले जनाएको छ । प्रतियोगिताको विजेताले नगद ४लाख ४ हजार ४४४ रुपैंयाँ र उपविजेताले नगद २ लाख २ हजार २२२ रुपैंयाँ प्राप्त गर्नेछन् ।
